https://refu-tips.de/en/my-friend-told-me-that-he-ejaculated-what-does-that-mean/

Manidu waa biyo dheecaan adag.
Dheecaankan wuxuu ka yimaadaa xubinka taranka ninmka.
Midaana waxay dhacdaan marka uu ninku siigaysto.
Maqaalkan wuxuu kuu sheegayaa waxa uu yahay siigaysigu

https://refu-tips.de/so/saaxiibkayga-ayaa-ii-sheegay-in-uu-siigaystay-maxaa-laga-waddaa-midaasi/

Haddii aad liqdid manida ma noqonaysid qof midaasi uur ku qaada.
Laakiin manidu waxay sidi kartaa cuduro.
Xitaa marka manida la liqo.
Haddii aadan hubin in wiilka saaxiibkaaga ahi uu yahay mid caafimaadkiisu fiicanyahay, waxaa wanaagsan in aadan liqin manidiisa.

Manidu qofkasta waxay ugu dhadhamaysaa si gooni ah.
Dadka qaar way jecelyihiin dhadhanka.
Dadka qaarna manidu waxay u arkaan wax lagu yaq-yaqsado.
Dhammaan wax dhib ah malahan.

Adigu khasab kuguma ahan in aad liqdid manida.
Mana jiro qof kugu khasbi kara in aad liqdid manida.
Xitaa wiilka saaxiibkaaga ah.

Anigu waxaan ahay wiil 16-sanno jir ah waxaana isticmaalaa kursiga curyaanka. Waxaan jeclahay in aan banaanka la baxo saaxiibadayda. Waxay igu dhahaan in aanan samayn karin wax galmo ah. Maadaama aan ahay qof ku socda kursiga curyaanka. Waxay dhahaan in aan anigu ahayn nin dabiici ah. Anigu ma hubi arintaasi. Run miyaa midaasi?

Maya, midaasi ma ahan mid run ah.
Ma jiraan wax la yiraahdo nin “dabiici ah”.
Dadku waa kuwo kala duwan – nimanka iyo wiilashana waa sidaas oo kale.
Ninku wuxuu noqon karaa mid weyn ama mid yar.
Ninku wuxuu jeclaan karaa niman ama dumar.
Ninku wuxuu ku socon karaa kursiga curyaanka.
Nin kasta waa mid kaduwan midka kale.
Wax dhib ah malahan in aad ku socotid kursiga curyaanka.

Sidoo kale waxaa jira noocyo kala duwan oo galmo ah.
Galmada ninka iyo gabadha ay sameeyaan waa kaliya hal qaab oo galmada kamid ah.
Galmada ninka iyo gabadha ay sameeyaan waa marka uu xubinka taranka ninka uu galo xubinka taranka gabadha ama futada.
Sidoo kale waxaa jira qaabab kale oo baddan oo galmada loo sameeyo.
Waxa saxda ah waa waxa labada qofba ay ku faraxsanyihiin in ay wada sameeyaan.

Marka hore oggoow meesha aad jeceshahay in lagaa taabto.
Ugu sheeg gabadha saaxiibtaada ah ama wiilka saaxiibkaaga ah si daacad ah waxa aad jeceshahay.
Weydii asaga ama ayada waxa uu jecelyahay ama ay jeceshahay.
Si wada jir waxaad nafsadiina uga dhigi kartaan in aad si fiican dareentiin.

Anigu waxaan ahay wiil 17-sanno jir ah waxaana ku wareersanahay haddii aan isticmaali karo isla kandomka labbo jeer?

Maya, ma isticmaali kartid.
Haddii aad kandomka gelisid xubinka mar labaad, manidu waxay si kedis ah ugu soo baxaysaa dibada kandomka.
Kadibna manidu waxay geli kartaa xubinka taranka haweenayda.
Markaasi haweenaydu uur ayay qaadi kartaa.

Waxaynu kuu haynaa xoogaa nasteexooyin ah:
Kaliya isticmaal kandomyada aad kasoo saartid baakada xiran.
Ha isticmaalin kandomka haddii…
Baakadu ay dilaacsantahay ama furantahay.
Kandomku dilaacsanyahay.
Taariikhda dhicitaanka la dhaafay.
Aad siigaysatid.
Ay khasab kugu tahay in aad markale hoos ugu soo jiidid kandomka dhinaca xubinka taranka.
Aan kandomku ula ekayn si sax ah xubinka taranka.
Markaasi waxaa khasa kugu ah in aad tuurtid kandomka.

Waxaad soo iibsan kartaa kandomyo baddan hal mar.
Kandomyada raqiiska ah waxaa lagu iibiyaa dukaamada daawooyinka lagu gado.
In lasoo iibsado kandomyadu waa arin caadi ah.
Waxaad muujinaysaa in aad qaadaysid mas’uuliyada.
Adigu uma baahnid in aad midaasi ka xishootid!

Wiilka saaxiibkayga ah oo (17) jir ah waa mid curyaan ka ah hoosta dambe. Shalay wuxuu ii sheegay in ay hooyadiisu ka xiirto timaha ku baxa hoosta aaga xubnaha taranka. Midaas oo ay sabab u tahay nadaafada uu sharciga Islaamku amrayo. Maxaa laga wadaa midaasi? Muhiim miyay tahay in loo xiiro timaha?

Sharciga nadaafada macnaheedu waxay tahay in nadiif la ahaado, sida ay diintu amartay.
Islaamku wuxuu sheegayaa in qofka Muslimka ahi uu ahaado qof nadiif ah marka uu tukanayo.
Wiilka saaxiibkaaga ah waa wiil jir ahaan naafo u ah.
Waxaa dhici karta in uusan awoodin in uu tukado.
Haddii uu tukan karo, markaasi waxaa laga yaabaa in uu asaga iska xiiro timaha hoose.

Haddii uu yahay qof diin leh, waa in uu u hoggaansamo sharciyada diinta.
Midaasna waa mid uu asaga uun go’aansan karo.
Sidoo kale asaga wuxuu go’aansan karaa marka uu rabo in loo xiiro timaha.
Laakiin asaga ma ahan qof Muslim xun ah haddii uusan iska xiirin timaha hoose.
Waxaa dhici karta in uusan ku faraxsanayn in ay hooyadiisa ka xiirto timaha hoose.
Asaga ayaa go’aansanaya qofka ka xiiraya timaha hoose.

Wiilka saaxiibkaaga ah wuxuu leeyahay xuquuqo shakhsiyeed.
Midaasna macnaheedu waxay tahay in uu asaga go’aansanayo waxyaabaha jirkiisa ku saabsan.
Oona qofna ku khasbi karin in uu sameeyo waxyaabo uusan ku faraxsanayn.
Ma ahan xitaa in uu yahay qof naafo ah.

Saaxiibtayda waxay ii sheegtay:In ay isticmaasho “faraantiga ka hortagga uurka”.Weligay ma aanan maqlin.Waa maxay?Sidee ayuu u shaqeeyaa?

Faraatiga ka hortagga uurka waa wax looga hortaggo uurka – sida kiniiniga oo kale.
Faraatiga wuxuu jirka ku siidaayaa hoormoon.
Hoormoontan waxaa loogu talogalay in ay ka hortagto uurka.
Takhtaradaada dumarka ayaa warqad daawo ama rijeeto kuu qori karta.
Adiga oo isticmaalaya rijeetada, waxaad ka qaadan kartaa faraatiga ka hortagga uurka farmashiga.

Waa in aad geliso faraatiga ka hortagga uurka siilka.
Faraatiga ka hortagga uurka wuxuu halkaasi ku jirayaa saddex toddobaad.
Markaas ka-dib, waxaad ka saareysaa faraatiga ka hortagga uurka siilkaaga.
Waxaad sugeysaa toddobo maalmood ka-dibna geli faraatiga ka hortagga uurka oo cusub.
Waxaa wanaagsan in aad geliso xasuusin kalandaariyahaaga.

Muhiim ah:Hoormoonta waxaa ay kugu reebi kartaa saameyn aan wanaagsanayn.
Takhtaradaada dumarka ayaa ku siin karta talo arrintan ku saabsan.
Sidee ayaad u gashaneysaa faraatiga ka hortagga uurka?
Marka hore, raadso boos aad raaxo ku qabto.
Waad kada-loobsan kartaa.
Ama waxaad hal lug saari kartaa geeska baafka qubeyska.
Waxaa ku majuujisaa faraatiga suulkaaga iyo fartaada murugsatada.
Hadda ku riix faraatiga ka hortagga siilkaaga.
Waxaad ogaan doontaa in uu ku sugan yahay goobta saxa ah marka aadan dareemi karin.

Saaxiibkey iyo aniga (oo 17 sano jir ah) waxaan ku talo jirnaa in aan isu galmoono maalmaha fasaxa ee toddobaadkan.Balse waxaa igu dhici doonta caado.Ayeeyadey waxay dhahdaa:Galmada la galmoodo xilliga caadada waa najaas.Run miyaa midaasi?

Galmada xilliga caadadaada waxyeelo ma laha.
Haddii labadiina aad doonaysaan, waa caadi.
Dumarka qaarkood waxay jecel yihiin galmo xilliga caadadooda qaarna ma jecla.
Sidoo kale, ragga sidaas ayay u kala duwan yihiin.
Diimaha qaar, galmada xilliga caadada lama oggola.
Balse taasi waa arrin aaminsanaan.
Haddii aad aaminsan tahay, daacad ayaad u ahaan kartaa.
Caafimaad ahaan, galmada xilligaasi dhibaato ma laha.

Waxa muhiimka ah waa in aad labadiinaba raaxo ku dareentaan.
Waxaa jira siyaabo kala duwan oo loo galmoodo inta lagu guda jiro xilliga caadada haweenayda.
Waxaad si tartiib ah u taataaban kartaan xubnaha taranka ee midba midka kale.

Ma doonaysaa guska in uu galo siilka?
Markaasi fadlan hubso in aad sameyso sidaan soo socota:
Isticmaal waxyaabaha uurka looga hortago xataa xilliga caadada.
Waxaa wanaagsan in la isticmaalo cinjirka loo yaqaano kondhomka.
Waxaad weli qaadi kartaa uur inta lagu guda jirro waqtigan.
Cudurrada galmada lagu kala qaado ayaa si aad u fudud la isugu gudbiyaa xilliga caadada.
Hubso had iyo jeer in aad iska saarto suuliyaha caadada ka hor inta guska uusan gelin siilka.

Aniga (oo ah16 sano jir) waxaan lahaa caado shan maalmood ah.Shalay waxaan la galmooday wiil.Ma adeegsan waxyaabo looga hortaggo uurka. Si kastaba miyaan uur qaadi karaa?

Haa, waxaad qaadi kartaa uur xilliga caadada.
Waa arrin aan aad u dhici karin.
Balse weli, way dhici kartaa.

Ukuntaada waxay keliya bacram tahay inta lagu guda jirro waqti cayiman oo bil kasta ah.
Bacram waxaa loola jeedaa:
Waxaad qaadi kartaa uur haddii aad galmooto difaac la’aan.
Waxaad bacram tahay waxyar ka hor ugxan siideynta.
Waxaad si gaar ah bacram tahay xilliga ugxan siideynta.
Waxaad sidoo kale bacram tahay waxyar ka hor ka-dib ugxan siideynta.
Xaqiiqdii ma garan karto marka ay dhaceyso ugxan siideyntaada.
Taasi waxay dhacdaa waqtiga u dhaxeeya caadooyinkaaga.
Marwalba ma leedahay keliya dhowr maalmood oo u dhaxeeya xilliyada cadooyinka?

Inta lagu guda jirro galmada, minada ragga waxay geli kartaa xubintaada taranka.
Minada waxay bacramin kartaa ukuntaada ku dhowaad shan maalmood.
Waxaa dhici karta in ugxan siideyntaada ay noqoto inta lagu guda jirro waqtigaas.
Fadlan u tag takhtaradda gynecologist, oo loola jeedo takhtaradda dumarka.
Way ku caawin kartaa, xataa haddii aadan uur qaadin shalay.
Way ku baari kartaa waxayna ku siin kartaa talo.

Saaxiibteyda ( oo 15 sano jir ah) waxay qaadaneysaa kiniinka ka hortagga uurka.In badan ayaan wada seexanaa.Mararka qaarkood waxay ilowdaa in ay kiniinka qaadato.Uur ma qaadi kartaa?

Haa, saaxiibtaada uur wey qaadi kartaa.
Kiniinka in waqtigiisa la qaato aad iyo aad ayay muhiim u tahay!
Balse“waqtigiisa” waxay yeelan kartaa macno badan iyadoo ku xiran nooca kiniinka.

Saaxiibtaada miyay qaadanaysaa kiniinka loo yaqaano mini-pill?
Kiniinka loo yaqaano mini-pill waa in la qaato waqti isku mid ah maalin kasta.
Saaxiibaada waa in ay xasuusin ku xirataa telefoonkeeda gacanta.
Telefoonka ayaa cod bixiya:Hadda waa in ay qaadato kiniinka loo yaqaano mini-pill.
Haddii kiniiniga mini-pill-ka ay goor dambe qaadato ama ay gebi ahaanba ilowdo:
Markaasi difaaca ka difaaci lahaa uurka waa daciif.
Haddii taasi ay dhacdo; sidoo kale isticmaal cinjirka kondhomka loo yaqaano xilliga galmada ilaa laga gaaro xilliga uu ku dhaca caadada xigta.

Waxaa laga yaabaa in ay qaadanayso kiniinka joogtada ah.
Saaxiibtaada waa in ay kiniinka qaadato maalin kasta.
Ku dhowaad waqti isku mid ah.
Haddii ay ilowdo kiniinka:
Fadlan sidoo kale isticmaal cinjirka kondhomka loo yaqaano xilliga galmada ilaa laga gaaro xilliga ku dhaca caadada xigta.

Haddii ay mar kasta ilowdo kiniinka:
U taga takharka dumarka (gynecologist), idinkoo wada socda, waxaadna heshaan xoogaa talo ah.
Waxaa jira noocyo kale oo ka hortagga uurka ah.

Aniga (oo ah wiil 17 jir ah) waxaan leeyahay saaxiibad.Waxaa ay hadda u tagtey gynecologist, oo ah takhtaradda dumarka.Takhtaradda waxay sheegtay in gabdhaha oo dhami ay halkaasi tagaan.Sidoo kale ma jiraa takhtarka ragga?

Haa, waxaa jira takhtar noocaas ah.
Takhtarkan waxaa loo yaqaanaa “takhtarka ragga (andrologist)”.
Caadi ahaan waxay sidoo kale isla markaa yihiin takhaatiirta daaweysa hab-dhiska kaadi-mareenka.
Waxaad u arki kartaa takhtarkan waxyaabo badan.
Marka aad qabto su’aalo ku saabsan galmada ama ku saabsan jirkaaga.
Marka wax ku saabsan guskaaga ay u muuqdaan wax yaab leh.
Marka aadan kalsooni isku qabin iyadoo sabab u ah in jirkaaga uu isbeddelayo.

Waxa muhiimka ah:
Waxaad mar kasta tagi kartaa adiga naftaada.
Takhtarka wuu ku baari karaa.
Haddii taasi ay tahay waxa aad rabto.

Waa wax wanaagsan in aad barato jirkaaga.
Habkaasi ayaa ku ogaan kartaa isbeddelada.
Isbeddelada qaar, waa in aad aragto “takhtarka daaweeya hab-dhiska kaadi-mareenka”.
Tusaale ahaan haddii aad ku aragto kuus adag xiniinyahaaga.
Kuuskaasi waa in uu eego takhtar.
Halkan waxaa ku qoran sida aad ku heli kartid takhtar kuu dhow:
http://www.urologenportal.de/patienten/urologensuche.html?_ga=2.176741090.657452144.1525423126-2097382778.1524050206

Aniga ( oo ah gabar, 16 jir ah) waxaan ku socdaa kursiga curyaamiinta.Weligay ma yeelan wiil saaxiib ila ah.Saaxiibaday kuma socdaan kuraasta curyaamiinta.Dhammaan saaxiibaday waxay soo yeesheen wiilal saaxiibo la ah.Tani miyay sabab u tahay in wiilashu aysan u maleyn in aan qurxoonahay?

Waxay u muuqataa in kursigaaga curyaamiinta uu kaa dhigayo qof aan kalsooni isku qabin.
Waxaa laga yaabaa in aad dareento “ka duwanaan” marka la eego saaxiibadaada.
Taasi waxay dad badan ka dhigtaa in ay dareemaan kalsooni la’aan:
Marka ay dareemaan “ka duwanaan”.
Waxaa sidoo kale laga yaabaa in aad dadka ka maqashey fikrado doqonnimo ah.
Sidoo kale, taasi waxay kaa dhigi kartaa qof aan kalsooni isku qabin.

Balse qof kasta waa qof gaar ah.
Mid ka mid ah waxyaabaha kaa dhigi kara in aad tahay qof gaar ah waa ay sahlan tahay in la arko.
Waxaa laga yaabaa dadku in ay kaala hadlaan.
Waxaa laga yaabaa in ay taasi tahay sababta aad uga fakarayso.
“Ahaanshaha qof qurux badan” waxay qof kasta u leedahay macno kala duwan.
Waxa qurxoon waa waxa kaa dhiga kara in aad tahay qof kali ka ah noociisa oo kale.
Waxaa jira keliya hal qof oo adiga ah!

Gabdho iyo wiilal badan xiriir ma yeeshaan waqti dheer.
Balse:Gabdho iyo wiilal badan oo ku socda kursiga curyaamiinta ayaa xiriir leh.
Adiguna maalin unbaad yeelan doontaa.
Waa iska caadi haddii aadan hore u yeelan wiil saaxiib kula ah.