Aniga (oo ah16 sano jir) waxaan lahaa caado shan maalmood ah.Shalay waxaan la galmooday wiil.Ma adeegsan waxyaabo looga hortaggo uurka. Si kastaba miyaan uur qaadi karaa?

Haa, waxaad qaadi kartaa uur xilliga caadada.
Waa arrin aan aad u dhici karin.
Balse weli, way dhici kartaa.

Ukuntaada waxay keliya bacram tahay inta lagu guda jirro waqti cayiman oo bil kasta ah.
Bacram waxaa loola jeedaa:
Waxaad qaadi kartaa uur haddii aad galmooto difaac la’aan.
Waxaad bacram tahay waxyar ka hor ugxan siideynta.
Waxaad si gaar ah bacram tahay xilliga ugxan siideynta.
Waxaad sidoo kale bacram tahay waxyar ka hor ka-dib ugxan siideynta.
Xaqiiqdii ma garan karto marka ay dhaceyso ugxan siideyntaada.
Taasi waxay dhacdaa waqtiga u dhaxeeya caadooyinkaaga.
Marwalba ma leedahay keliya dhowr maalmood oo u dhaxeeya xilliyada cadooyinka?

Inta lagu guda jirro galmada, minada ragga waxay geli kartaa xubintaada taranka.
Minada waxay bacramin kartaa ukuntaada ku dhowaad shan maalmood.
Waxaa dhici karta in ugxan siideyntaada ay noqoto inta lagu guda jirro waqtigaas.
Fadlan u tag takhtaradda gynecologist, oo loola jeedo takhtaradda dumarka.
Way ku caawin kartaa, xataa haddii aadan uur qaadin shalay.
Way ku baari kartaa waxayna ku siin kartaa talo.

Saaxiibteyda ( oo 15 sano jir ah) waxay qaadaneysaa kiniinka ka hortagga uurka.In badan ayaan wada seexanaa.Mararka qaarkood waxay ilowdaa in ay kiniinka qaadato.Uur ma qaadi kartaa?

Haa, saaxiibtaada uur wey qaadi kartaa.
Kiniinka in waqtigiisa la qaato aad iyo aad ayay muhiim u tahay!
Balse“waqtigiisa” waxay yeelan kartaa macno badan iyadoo ku xiran nooca kiniinka.

Saaxiibtaada miyay qaadanaysaa kiniinka loo yaqaano mini-pill?
Kiniinka loo yaqaano mini-pill waa in la qaato waqti isku mid ah maalin kasta.
Saaxiibaada waa in ay xasuusin ku xirataa telefoonkeeda gacanta.
Telefoonka ayaa cod bixiya:Hadda waa in ay qaadato kiniinka loo yaqaano mini-pill.
Haddii kiniiniga mini-pill-ka ay goor dambe qaadato ama ay gebi ahaanba ilowdo:
Markaasi difaaca ka difaaci lahaa uurka waa daciif.
Haddii taasi ay dhacdo; sidoo kale isticmaal cinjirka kondhomka loo yaqaano xilliga galmada ilaa laga gaaro xilliga uu ku dhaca caadada xigta.

Waxaa laga yaabaa in ay qaadanayso kiniinka joogtada ah.
Saaxiibtaada waa in ay kiniinka qaadato maalin kasta.
Ku dhowaad waqti isku mid ah.
Haddii ay ilowdo kiniinka:
Fadlan sidoo kale isticmaal cinjirka kondhomka loo yaqaano xilliga galmada ilaa laga gaaro xilliga ku dhaca caadada xigta.

Haddii ay mar kasta ilowdo kiniinka:
U taga takharka dumarka (gynecologist), idinkoo wada socda, waxaadna heshaan xoogaa talo ah.
Waxaa jira noocyo kale oo ka hortagga uurka ah.

Aniga (oo ah wiil 17 jir ah) waxaan leeyahay saaxiibad.Waxaa ay hadda u tagtey gynecologist, oo ah takhtaradda dumarka.Takhtaradda waxay sheegtay in gabdhaha oo dhami ay halkaasi tagaan.Sidoo kale ma jiraa takhtarka ragga?

Haa, waxaa jira takhtar noocaas ah.
Takhtarkan waxaa loo yaqaanaa “takhtarka ragga (andrologist)”.
Caadi ahaan waxay sidoo kale isla markaa yihiin takhaatiirta daaweysa hab-dhiska kaadi-mareenka.
Waxaad u arki kartaa takhtarkan waxyaabo badan.
Marka aad qabto su’aalo ku saabsan galmada ama ku saabsan jirkaaga.
Marka wax ku saabsan guskaaga ay u muuqdaan wax yaab leh.
Marka aadan kalsooni isku qabin iyadoo sabab u ah in jirkaaga uu isbeddelayo.

Waxa muhiimka ah:
Waxaad mar kasta tagi kartaa adiga naftaada.
Takhtarka wuu ku baari karaa.
Haddii taasi ay tahay waxa aad rabto.

Waa wax wanaagsan in aad barato jirkaaga.
Habkaasi ayaa ku ogaan kartaa isbeddelada.
Isbeddelada qaar, waa in aad aragto “takhtarka daaweeya hab-dhiska kaadi-mareenka”.
Tusaale ahaan haddii aad ku aragto kuus adag xiniinyahaaga.
Kuuskaasi waa in uu eego takhtar.
Halkan waxaa ku qoran sida aad ku heli kartid takhtar kuu dhow:
http://www.urologenportal.de/patienten/urologensuche.html?_ga=2.176741090.657452144.1525423126-2097382778.1524050206

Aniga ( oo ah gabar, 16 jir ah) waxaan ku socdaa kursiga curyaamiinta.Weligay ma yeelan wiil saaxiib ila ah.Saaxiibaday kuma socdaan kuraasta curyaamiinta.Dhammaan saaxiibaday waxay soo yeesheen wiilal saaxiibo la ah.Tani miyay sabab u tahay in wiilashu aysan u maleyn in aan qurxoonahay?

Waxay u muuqataa in kursigaaga curyaamiinta uu kaa dhigayo qof aan kalsooni isku qabin.
Waxaa laga yaabaa in aad dareento “ka duwanaan” marka la eego saaxiibadaada.
Taasi waxay dad badan ka dhigtaa in ay dareemaan kalsooni la’aan:
Marka ay dareemaan “ka duwanaan”.
Waxaa sidoo kale laga yaabaa in aad dadka ka maqashey fikrado doqonnimo ah.
Sidoo kale, taasi waxay kaa dhigi kartaa qof aan kalsooni isku qabin.

Balse qof kasta waa qof gaar ah.
Mid ka mid ah waxyaabaha kaa dhigi kara in aad tahay qof gaar ah waa ay sahlan tahay in la arko.
Waxaa laga yaabaa dadku in ay kaala hadlaan.
Waxaa laga yaabaa in ay taasi tahay sababta aad uga fakarayso.
“Ahaanshaha qof qurux badan” waxay qof kasta u leedahay macno kala duwan.
Waxa qurxoon waa waxa kaa dhiga kara in aad tahay qof kali ka ah noociisa oo kale.
Waxaa jira keliya hal qof oo adiga ah!

Gabdho iyo wiilal badan xiriir ma yeeshaan waqti dheer.
Balse:Gabdho iyo wiilal badan oo ku socda kursiga curyaamiinta ayaa xiriir leh.
Adiguna maalin unbaad yeelan doontaa.
Waa iska caadi haddii aadan hore u yeelan wiil saaxiib kula ah.

Anigu waxaan ahay wiil 15-sanno-jir ah. Waayihii hore nin ayaa si xun ii dhaawacay. Wuxuu iga qabtay lugahayga dhexdooda. Anigu ma doonaynin in uu sidaasi ugu sameeyo. Inta baddan weli waan ka fikiraa. Hadda anigu waxaan leeyahay gabar saaxiibtayda ah. Sideen arintaasi ugala hadli karaa?

Waa arin la fahmi karo in aad weli arintaasi ka fikirtid.
Inbaddan oo dadka kamid ah kuwaas oo lasoo kulmay arimahaan oo kale waa kuwo inta baddan ka fikira.
Laga yaabo in ay tahay in aad ka fikirtid xitaa inbaddan.
Sababtoo ah adiga iyo saaxiibtaada waxaad tihiin kuwo aad isugu dhow.
Laga yaabo in aad qabtid dareemo cajiib ah marka aad u dhowaatid.
Laga yaabo in aadan hubin haddii aad u sheegaysid iyo haddii aadan u sheegaynin.

Ma doonaysaa in aad u sheegtid?
Ka fikir waxa aad ka doonaysid ayada marka aad jir ahaan isku dhowdihiin.
Kadibna ka fikir waxa ku saabsan waxa aad doonaysid in aad ku dhahdid ayada.
Laga yaabee ereyadaan ayaa ku caawin doona:
Qof ayaa mar si xun ii dhaawacay.
Sidaas darteeda ma doonayo in aan sameeyo wax markale i dhaawici doona.
Sidoo kale mararka qaar waxaan doonayaa in aan joojiyo in aan dhakhso hab kuu siiyo.
Midaasna waxaa sabab u ah xusuusahayga.
Ma ahan mid adiga kugu saabsan.
Ka fikir sida aad u rabtid in aad u sheegtid.
Waa muhiim in ay caadi kuu tahay adiga.
Waad u sheegi kartaa waxa aad ayada ka doonaysid.

Anigu waxaan ahay gabar 16-sanno-jir ah waxaana leeyahay saaxiibo labb iyo dheddig ah oo xadidan.Waxaynu isla qaadanaa wakhtiga baddankiisa.Mid kamid ah wiilasha ayaa marwalba aad iigu soo dhowaada.Anigu ma doonayo.Sideen ugu sheegaa?Anagu waxaynu nahay saaxiibo!

Marka hore waxaynu jecelnahay in aynu kugu dhahno in dareemahaagu ay yihiin kuwo muhiim ah!
Qofna looma oggola in uu kuu soo dhowaado haddii aadan midaasi doonaynin.
Laakiin mararka qaar way adagtahay in la dhaho “maya”.
Laga yaabo in aad qofka jeceshahay.
Laga yaabo in kuwa kale ee kooxdaada ku jira ay qofku jecelyihiin.
Laga yaabo in uusan oggaanin in aad dhibsatid kuusoo dhowaanshihiisa.
Waxaad ku dhihi kartaa:
Adiga aad ayaad iigu soo dhowaanaysaa.
Fadlan ma joojin kartaa midaasi?
Anigu ma jecli.
Waa in uu midaasi ixtiraamaa.

Sidoo kale waxaad raadin kartaa caawimaad.
Dabcan saaxiib labb ama dheddig ah waa in uu meesha joogo marka aad la hadlaysid.
Haddii uusan aqbalin “mayadaada”, ka raadi caawimaad qof weyn oo aad ku kalsoontahay.
Ama aad xarun latalin.
Halkan waxaa ku qoran qaar kamid ah xarumaha latalinta:
https://www.hilfeportal-missbrauch.de/nc/adressen/hilfe-in-ihrer-naehe/kartensuche.html?tx_nxshelpdesk_helpdesk%5binstitutionType%5d=21

Anigu waxaan ahay gabar 15-sanno-jir ah waxaana jira wiil weyn oo degan deriskayga oona inta baddan raaca tareenka isla wakhtiga aan raaco. Wuu isoo fiiriyaa. Waan ka cabsadaa. Dadka kale waxay igu dhahaan waad in aad ahaatid qof caadi ah.

Anagu ma sheegi karno haddii aad saxantahay iyo haddii kale oo aadan sax ahayn.
Mararka qaar dareenka noocaan ah wuxuu noqonayaa mid sax ah.
Mararka qaarna dareenka noocaan ah wuxuu noqonayaa mid khaldan.
Laakiin dareenka laftiisu waa mid muhiim ah.
Ka fikir waxa aad samayn kartid si aad nafsadaada uga dhigtid mid ammaan ah.

Laga yaabee in aad weydiisid sababta uu kuusoo fiiriyo.
Waxaad dhihi kartaa:
Maxaad iga doonaysaa?
Ma dareemayo raaxo marka aad isoo fiirinaysid. Ma doonayo in aad isoo fiirisid!
Waxaa dhici karta in uu kuu sheego waxa uu kaa rabo amaba ka istaago in uu kusoo fiiriyo.

Sidoo kale waxaad ku dhihi kartaa waalidkaaga ama qofka mas’uulka kaa ah:
Anigu waxaan ka cabsadaa wiilkan.
Wuu isoo fiirinayaa.
Maxaan sameeyaa?
Si fiican uga fikir waxa adiga saxda kuu ah…
Ma yahay wiilka mid sidoo kale kugu noqday qof aad nacdid?
Haddaba u sheeg qof ku caawin kara.

Anigu waxaan ahay 14 sanno jir. Waxaan u isticmaalay tamboonooyin dhiigayga caadada dhowr bilood. Shalay waxaan iloobay in uu hoosta iigu xiranyahay tambooni kadibna waxaan xirtay tambooni cusub. Hadda ma awoodo in aan banaanka usoo saaro tamboonahaygii hore. Maxaan sameeyaa?

Midaan waxay ku dhacdaa dumar baddan.
Mararka qaar adiga ayaa iska soo saaraya tambooniyaha.
Ayadu ma ahan mid “luntay”.
Xubinka taranku waa mid uun jira dherer ahaan dhowr sentimitir.

Halkan waxaa ku qoran talo siin yar.
Kadaloobso ama ku fadhiiso musqusha.
Isku day in aad nasatid.
Waxaa fiican marka aad nasantahay.
Waxaa dhici karta in aad qabatid tambooniyaha ama kusoo jiidid farahaaga.
Sidoo kale isku day in aad “hoos ugu riixdid” murqahaaga.
Mararka qaar tambooniyaha wuxuu iskiisa ugu soo baxaa banaanka marka aad riixdid.

Haddii aanan midaasi kuu shaqaynin waa in aad isla markiiba aadid dhakhtarkaaga dumarka.
Ayada/asaga ayaa ku baari doona kaagana soo saari doona tambooniyaha sida ugu dhakhsiyaha baddan.
Tambooniga la isku iloowo wuxuu kaa dhigi karaa in aad xanuunsatid.
Sidaas darteeda waa in aad dhakhso ugu tagtid dhakhtarkaaga dumarka.
Xitaa haddii aadan hubin in uu weli tambooni kuugu jiro.
Ma ahan mid laga xishoodo.
Waa muhiim si aadan u xanuunsanin.

Saaxiibtayda waxaa ku dhacay dhiigeeda caadada. Waxayna doonaysaa in ay hadda galmo ila samayso. Midaasi caadi miyaa? Ayadu waa mid aan nadiif ahayn wakhtigaan.

Haddii aad labadiinuba doonaysiin in aad galmo samaysiin waad samayn kartiin inta lagu guda jiro muddada dhiiga caadada.
Ereyga “aan nadiif ahayn” ma ahan erey wanaagsan.
Midaasna macnaheedu waxay tahay qofta dumarka ahi ma ahan mid xaaladeedu fiicantahay inta lagu guda jiro dhiigeeda caadada.
Midaasi run ma ahan.
Gabdhaha iyo dumarkuba waa in ay si joogta ahi u qubeystaan inta lagu guda jiro wakhtigaan.
Way qubeystaan.

Dhiiga caadada waa dhiig dabiici ah.
Marka uu dhiig kaa yimaado ma tihid adigu qof “aan nadiif ahayn”.
Dhiigaagu ma ahan mid xun.

Waxaa jira qaabab baddan oo loogu samayn karo galmo wanaagsan.
Xitaa inta lagu guda jiro muddada dhiiga caadada.
Tusaale ahaan, in la taab-taabto kintirka banaanka ka ah xubinka taranka.
Midaasi waxay siinaysaa inbaddan oo kamid ah gabdhaha iyo dumarkaba dareen aad u wanaagsan.
Ama taabashada iyo riix-riixida xubinka taranka raga.
Midaan waxaa lagu magacaabaa salaaxid.

Inbaddan oo kamid ah gabdhaha iyo dumarka waxay si gaar ahi raaxo u dareemaan inta lagu guda jiro muddada dhiigooda caadada.
Galmadu waa mid si gaar ah ayaga ugu fiican wakhtigan.
Kala hadal saaxiibtaada waxa aad labadiinuba jeceshihiin.

Anigu waxaan ahay gabar 14-sanno-jir ah waxaana galmo la sameeyay saaxiibkayga. Ma aynaan isticmaalin wax uurka ilaaliya. Wuxuu i leeyahay in aanan uur qaadaynin. Maadaama aanan weli ii imaanin dhiigayga caadada. Run miyaa midaasi?

Waxaad ukunta samaysaa kahor dhiiga caadadaada kuugu horeeya.
Kadibna ukuntaada waxay noqonaysaa mid diyaar ah oona la bacramin karo.
Bacramintu waxay dhacdaa marka ukunta qofta dumarka ahi ay ku darsanto minida ninka.
Sidaas darteeda waxaad qaadi kartaa uur.

Inbaddan oo kamid ah gabdhaha iyo dumarka ma oggaanayaan marka ay ukunta samaysmayso.
Waxaa dhici karta in ay tani xaaladaadu tahay.
Ukunta samaysanta marwalba waxay dhacdaa kahor dhiigaaga caadada.
Iyo xitaa kahor dhiigaaga caadada ugu horeeya.

Dhammaan gabdhaha waxaa ku dhaca dheecaan ka yimaada xubinkooda taranka kahor dhiigooda caadada ugu horeeya.
Dheecaanka ka yimaada xubinka taranka wuxuu sheegayaa in uu wakhti dhow kugu dhici doono dhiigaaga caadada.
Midaasna waxay noqon kartaa gudaha 1 bil ama 1 sanno.
Qaar kamid ah gabdhaha waxay arkaan dheecaanka ka yimaada xubinkooda taranka.
Qaar kale oo gabdhaha kamid ahna ma arkaan.
Sidaas darteeda waa in aad isticmaashid wax kaa ilaaliya uurka.
Doorashada ugu wanaagsana waa in la isticmaalo kondom.
Kondomka sidoo kale wuxuu kaa ilaaliyaa cudurada la iskugu gudbiyo galmada.