Qofkee i caawin kara? Waxaa la iigu xad gudbey galmo ahaan.

Dalka Jarmalka waxaa jooga dad badan oo caawiya dhallinyarada.
Waxay ka shaqeeyaan xarumaha tallo bixinta.
Waxay ku caawin karaan xaalada ay rabsho dhacdo.
Waxay ku caawin karaan xaalada uu xad gudub galmo dhaco.

Tallo bixintu waa mid lacag la’aan ah.
Waxay kugu caawin doonaan in aad go’aansatid nooca caawimaada aad u baahantahay.

Ka raadi halkan:
http://www.zanzu.de/de/hilfe

https://www.hilfeportal-missbrauch.de/nc/adressen/hilfe-in-ihrer-naehe/kartensuche.html?tx_nxshelpdesk_helpdesk[institutionType]=21
Sidoo kale waxaa jira xarumo tallo bixin loogu talogalay dadka qaxootida dhallinyarada ah.
Nasiib daro bogga wuxuu ku qoranyahay oo kaliya luuqada Jarmalka.

Inta badan waxaa khasab kugu ah in aad samaysatid ballan.
Weydii qof haddii ay ku caawin karaan. Inbadan oo ayaga kamid ahi waxay haystaan turjubaano.
Haddii aysan qabin turjubaano, markaasi waxaad hore u wadan kartaa qof adiga kuu turjuma.

Hore ayaan galmo u sameeyay. Waxaana ku qaatay lacag. Ma tahay midaasi mid reeban ama mamnuuc ah?

Haddii aad tahay qof kayar 18 sanno:
Qofna looma oggola in uu galmo lacag kugu siiyo.
Midaasi waa mid mamnuuc ka ah dalka Jarmalka.

Laakiin adigu ma samaynin wax xun.
MUHIIM AH: Laguma ciqaabi doono.
Dadka adiga galmada kula sameeyay waxay u dhaqmeen si khaldan.
Ayagu waa la ciqaabi karaa.

Waa in aadan hadda kadib samaynin.
Waxaad la xiriiri kartaa booliiska.
Booliiska dalka Jarmalka waxay kugu caawin doonaan in aysan dadkaasi markale u noqonin arintaasi.

Way wanaagsantahay in laga hadlo arinta
Kadibna waxaa dhici karta in ay arimuhu kuu wanaagsanaadaan.
Raadi qof aad u sheegi karto.
Qof aanan kuu arkaynin in aad tahay qof xun maadaama aad sidaasi samaysay.

Sidoo kale waxaa jira xarumo tallo bixin oo ku caawin kara:
Loogu talogalay nimanka yar-yar: http://www.marikas.de/
Loogu talogalay dumarka yar-yar: http://www.mimikry.net/
Loogu talogalay qofkasta: http://www.jadwiga-online.de/kontakt.php
Loogu talogalay dumarka: http://www.solwodi.de/33.0.html?&L=0%3FkeepThis%3Dtrue

Waxaan ahay qof uur leh. Waxaana doonayaa in aan ilmaha dhallo. Maxaa ila gudboon in aan sameeyo hadda?

Midaan waa isbedel aad u weyn oo noloshaada lasoo gudboonaanaya.
Adiga waxaa laguu oggolyahay in aad go’aansatid waxa xiga ee aad samaynaysid.
Midaasi waa masuuliyad weyn.
Laakiin waxaa jira dad badan oo midaasi kugu caawin kara.

Waa muhiim in aad ka taxadirtid nafsadaada.
Midaasna waxaa kamid ah caafimaadkaaga.
Waa in aad booqatid dhakhtarka dumarka.
Waxay kugu samayn doonaan baaritaan.
Sidoo kale waxay kusiin doonaan naseexooyin kusaabsan sidii aad ku ahaan lahayd qof caafimaad qabba.

Wixii kusaabsan su’aalo kale waxaa jirta xarunta tallada uurka.
Dadka halkaas jooga waxay kaaga jawaabi doonaan su’aalahaaga.
Waxaad mid ka heli kartaa boggaan soo socda:
http://www.zanzu.de/de/themen/schwanger-sein
http://www.familienplanung.de/beratung/beratungsstellensuche/
Waxaa dhici karta in aad u baahatid qof kugu caawiya in aad xarunta raadisid.
Bogga internetka ah hadda wuxuu ku qoranyahay kaliya luuqada Jarmalka.
Waxaa dhici karta in aad meesha u wadatid turjubaan.

Qof aynu is naqaano ayaa ii sheegay in uu i jeceylyahay. Laakiin anigu ma jecli. Sidee ila gudboon in aan u dhaqmo?

Waxaa dhici karta in uu murug dareemo.
Adigana waxaa dhici karta in aad u malaysid in ay midaasi tahay mid doqonimo ah.
Waxaa dhici karta in aadba tihiin kuwo saaxiibo ah.
Laakiin waxaa laguu oggolyahay in aad daacad ahaatid.
Waxaa laguu oggolyahay in aad si cad u dhahdid:
“Anigu kuma jecli.”

Mararka qaar dareemuhu way isbedelaan.
Waxaa dhici karta in aad hore ugu dhacday jeceyl.
Laakiin adiga hadda jeceyl kuma haayo.
Taasi sidoo kale waa caadi!

Khasab kuguma ahan in aad waxna samaysid haddii aadan doonaynin in aad wax samaysid.
Waxaa dhici karta in qofka aad istaqaaniin uu murgo ama kuu caroodo.
Laakiin waa in uu tixgeliyaa waxa aad u sheegtay.
Waa in uu aqbalaa in dareemahaagu ay isbedeleen.
Dareemuhu ma ahan kuwo la qasbi karo.

Anigu waxaan ahay gabar jirta-14-sanno. Ma la ii oggolyahay in aan galmo sameeyo?

Marka aynu dhahayno “galmo”, waxaan ula jeednaa dhammaan taabashada la taabto meelaha khaaska ah ama xubnaha taranka ah.
Dalka Jarmalka, midaani waa mid ka reeban guud ahaan kahor guurka.
Laakiin kaliya waxaa la oggolyahay marka ay labada qofba rabaan!
Sidoo kale waa caadi haddii aadan doonaynin in aad galmo samaysid.

Dalka Jarmalka, sharcigu wuxuu dhigayaa:
In ay reebantahay in qof lagu qasbo in uu galmo sameeyo.
Qofna looma oggola in uu ku qasbo.
Marwalba adiga waxaa laguu oggolyahay in aad dhahdid maya ama diidid.

Sidoo kale waad bedeli kartaa ra’yigaaga.
Waxaa dhici karta marka hore in aad doonaysay in aad galmo samaysid.
Khasab kuguma ahan in aad marwalba sidaasi dareentid.
Dadku ma rabaan in ay marwalba galmo sameeyaan.
Mararka qaar way wanaagsantahay in galmo la sameeyo mararka qaarna ma ahan mid wanaagsan.
Taasina waa arin caadi ah.

Adiga weli waxaad tahay qof aad u yar.
Uga fikir si taxadar leh waxa aad doonaysid.
Qayb kale, waxaad ka heli kartaa xadadka da’da go’an ee loogu talogalay galmada.

Waxaan jeclahay gabar. Dhabtiina waxaan jeclahay in aan xiriir la sameeyo. Maxaa ila gudboon in aan sameeyo?

In jeceyl la qaado waa wax wanaagsan.
Waxaad doonaysaa in aad wakhti badan ayada la qaadatid.
Waxaad doonaysaa in aad u sheegtid in aad jeceshahay.
Taasina waa mid wanaagsan oona caadi ah!

Laakiin mararka qaar waxaad u malaynaysaa in ay arinta u socoto si tar-tiib ah.
Waxaa dhici karta in ay ayaduna ku jeceshahay.
Waxaa dhici karta in aysan arinta hubin.
Waxaa dhici karta in aysan ku jeclayn.

Waxyaabaha uu qofka kale jecelyahay waa kuwo aad muhiim u ah.
Adiga waxaa laguu oggolyahay marwalba in aad sheegtid waxa aad doonaysid.
Adiga waxaa laguu oggolyahay in aad sheegtid ama cabirtid dareemahaaga.

Weydii gabadha waxa ay ayadu rabto.
Ayadana sidoo kale waxaa loo oggolyahay in ay sheegto waxa ay dareemayso iyo waxa ay rabto.
Adigu laguuma oggola in aad ayada taabato ama dhunkato haddii aysan ayadu midaasi doonaynin.
Laakiin ayadana sidoo kale looma oggola in ay ku taabato ama ku dhunkato haddii aadan midaasi doonaynin.

Waxaan jeclahay in aan la saaxiibo gabar Jarmal ah. Maxaa ila gudboon in aan sameeyo?

Sideed ku baranaysaa gabdhaha jooga dalka Jarmalka?
Iskuulka, ciyaarida ciyaaraha, naadiyooyinka iyo meelaha lagu dheelo ee diskiyoowyada ah iyo xafladaha.
Saaxiibo ayaa ku baraya.

Gabdhaha iyo wiilasha waxay doonayaan in ay baashaalaan.
Waxaa dhici karta in ay u labistaan si ka duwan sidii aad u baratay.
Taasi waa mid caadi ka ah halkan.
Macnaheedu kama dhigna in ay yihiin dad xun.

Waxay mudanyihiin in lagu ixtiraamo doorashadooda.
Xitaa haddii ay xirtaan dhar qaawan, macnaheedu ma ahan ayagu in ay doonayaan in la taabto.
Waxay doonayaan in ay inbadan kula hadlaan.

Inbadan oo wiilasha iyo gabdhaha kamid ahi waa kuwo si aad ah isaga taxadira.
Waxay fiiriyaan haddii ay arinta sii wadi karaan.
Kadibna waxay ku dhacaan jeceyl.
Ayagu kaliya waxay isdhunkan karaan marka ay labudaba sidaasi doonayaan.

Anigu waxaan ahay qof uur leh. Mana DOONAYO in aan ilmo dhallo. Maxaa ila gudboon in aan hadda sameeyo?

Waxaa laguu oggolyahay in aad go’aansatid haddii aad doonaysid in aad ilmaha dhashid iyo haddii kale oo aadan doonaynin.
Waxaad arintaasi kala hadli kartaa qof aad ku kalsoontahay.
Laakiin waa in aad adiga gaartid go’aankaaga khaaska kuu ah.

Waxaa laguu oggolyahay in aad joojisid uurka.
Midaasi waa mid lagu oggolyahay waddanka Jarmalka.
Laakii waa kaliya marka uurjiifka calooshaada ku jira uu weli yahay mid aad u yar.
Marka uu yahay uurkaagu mid ka yar seddex bilood.
Haddii aad tahay qof ka yar da’da 18 sanno oona doonaysid in aad samaysid qaliin lagu sameeyo hoosta qurxinta guud,
Waxaa khasab kugu ah in aad oggolaansho ka heshid waalidkaaga ama masuulkaaga sharciga ah.

Waxaa khasab kugu ah in aad hore u booqatid xarunta tallo bixinta uurka.
Ka fiiri halkan xarunta tallo bixinta: http://www.familienplanung.de/beratung/beratungsstellensuche
Ma ahan in aad cabsatid. Ayagu kaliya way kula hadli doonaan.
Waxaad u sheegi kartaa sababta aad u doonaysid in aad joojisid uurka.
Kadibna waxaad qaadan doontaa xaqiijin sheegaysa in aad booqatay xarunta tallo bixinta.
Waad u baahantahay xaqiijintaan si aad u samaysid ilma soo ridida.
Sidoo kale ayagu waxay kusiin doonaan cinwaanka dhakhtarka ama isbitaalka.
Meel aad ka heli kartid daaweyn ammaan ah.
Ha isku dayin qaab kale in aad samaysid. Midaasi waxay noqon kartaa mid halis ah.

Haddii uurjiifku yahay mid goor horeba ka weynaaday 3 bilood, waxaa khasab kugu noqonaya in aad dhashid ilmahaasi.
Kadibna waxaa laguu oggolaanayaa in aad ilmaha siisid dad korsada.
Xafiiska daryeelka dhallinyarada ayaa u raadin doona waalidiin ilmaha yar.

Da’dee la ii oggolyahay in aan galmo sameeyo?

Waxaa jira labbo arimood oo aad muhiim u ah kuwaas oo muddan in la tixgeliyo:
Da’daada iyo xiriirkaaga aad la leedahay qofka aad galmada la samaynaysid.
Jadwalkan wuxuu ku tusinayaa da’ooyinka lagu oggolyahay in galmo lagu sameeyo iyo kuwa aan lagu oggolayn ee uu mamnuuca yahay:

Da’da 0-13 14-15 16-17 18-20 21 +
0-13 MAYA MAYA MAYA MAYA MAYA
14-15 MAYA HAA HAA HAA MAYA
16-17 MAYA HAA HAA HAA HAA
18-20 MAYA HAA HAA HAA HAA
21 +
 MAYA MAYA HAA HAA HAA

Dhammaan labbada qofba waa in ay doonayaan in ay galmo sameeyaan.
Haddii aan mid doonaynin in uu galmo sameeyo, galmadu waa mid mamnuuc ah.
Qofna looma oggola in uu kugu khasbo in aad galmo samaysid.

Ma ku nooshahay guri la deganyahay?
Adiga laguuma oggola in aad galmo samaysid adiga oo kayar da’da 16.

Galmadu waa mid mamnuuc ka ah dadkaan soo socda dhexdooda:

  • Waalidiinta iyo carruurta
  • Waalidiinta aayada ama adeerka ah iyo carruurta
  • Macalimiinta labka ama dhediga ah iyo ardayda labka ama dhediga ah
  • Daryeelayaasha labka ama dhediga ah ee haysta dad yar-yar ee ku nool guriga la deganyahay ama xarun dhallinyaro
  • Gudaha koorso tababar, meesha shaqada ama tababar, macalinkaaga labka ama dhediga ah looma oggola in uu adiga galmo kula sameeyo.
  • Haddii aad qoys uu nooshahay sida ilmo la korsaday, waalidiintaada ku korsaday looma oggola in ay adiga galmo kula sameeyaan.
  • Masuulkaaga ama weligaaga sharciga ah looma oggola in uu adiga galmo kula sameeyo.

Qofna oo dadkaan kamid ahi looma oggola in uu adiga galmo kula sameeyo.
Haddii ay galmo kula sameeyaan, u raadi caawimaad si dhakhso ah.

Waxaan ahay gabar jirta-16-sanno. Waxaana joogaa dalka Jarmal kaliya dhowr todobaad. Meeshaan wax kasta way ka duwanyihiin sidaan ku bartay. Sidee tahay qaabka nolosha dumarka iyo gabdhaha dalkan Jarmal?

Waxyaabo badan waa in ay kuu gula muuqdaan kuwo aad la yaabto dalkaan Jarmal.
Dumarka iyo gabdhaha waxay haystaan isla xuquuqda ay haystaan nimanka iyo wiilasha.
Xuquuqahaan waxay khuseeyaan dhammaan dumarka iyo gabdhaha oo dhan kuwaas oo kunool dalka Jarmalka.
Waa muhiim in ay dumarka iyo gabdhaha ay oggaadaan xuquuqahaan waxa ay yihiin.
Ma garanaysaa adiga xuquuqahaaga?

Halkan waxaa ku qoran xoogaa tusaalo ah:
Adiga waxaa laguu oggolyahay in aad wax baratid oona tagtid iskuul.
Adiga waxaa laguu oggolyahay in aad nafsadaada dooratid shaqo.
Adiga waxaa laguu oggolyahay in aad keligaaga safartid marka aad weynaatid.
Adiga waxaa laguu oggolyahay in aad qaadatid qaraaradaada khaaska kuu ah.
Adiga waxaa laguu oggolyahay in aad kala dooratid haddii aad guursanaysid iyo haddii aadan guursanaynin.
Adiga waxaa laguu oggolyahay in aad yeelatid saaxiib wiil ah ama saaxiib gabar ah.
Adiga waxaa laguu oggolyahay in aad u labisatid sida aad jeceshahay.
Adiga waxaa laguu oggolyahay in aad banaanka u raacdid ama la baxdid qof kasta oo aad doonaysid.

Waa muhiim in ay wiilasha iyo gabdhahaba oggaadaan xuquuqahaan.
Xuquuqahaan waa in la ixtiraamaa oona la dhowraa.

Liinkigan soo socda wuxuu ku geynayaa bogg internet ay kujiraan macluumaad badan.
Waxaa la helayaa warqad macluumaad oo kuqoran luuqado badan (Albaniyan, Carabi, Bosniyan, Ingiriisi, Faarisi, Dari, Faransiis, Serbiyan iyo Soomaali – iyo weliba waxaa lagu daraa marwalba luuqado cusub).
http://wie-kann-ich-helfen.info/geh-deinen-weg-deine-rechte-als-frau-in-deutschland-infoflyer-fuer-weibliche-fluechtlinge/3063
U akhri qoraalka si taxadar leh.
Waa muhiim in aad oggaatid xuquuqaha dumarka iyo gabdhaha.