ስጋዊ ርክብ ድሕሪ ምፍጻም ገንዘብ ተቐቢለዮ። እዚ ኩልኩል ድዩ፧

ትሕቲ 18 ዓመት እንተ ኩንኪ።
ኣብዚ ዕድመ ንስጋዊ ርክብ ገንዘብ ክኽፍለኪ ኣይፍቀድን እዩ።
እዚ ኣብ ጀርመን ኩልኩል እዩ።

ሕማቕ ነገር ግን ኣይገበርክን።
ኣስተውዕሊ! ስለ ኸምዚ ዝገበርኪ ኣይክትቅጽዕን ኢኺ።
እቶም ምሳኺ ስጋዊ ርክብ ዝፈጸሙ ግን ጌጋ ተግባር ኢዮም ኣተግቢሮም።
ንሳቶም ክቕጽዑ ይኽእሉ ኢዮም።

ካልኣይ ግዜ ክትደግምዮ ኣየድልየክን ኢዩ።
ናብ ፖሊስ ውን ክትሕብሪ ትኽእሊ ኢኺ።
ኣብዚ ሃገድ ድማ ፖሊስ እዚ ተግባር እዞም ሰባት ከይደግሙ ይተሓባበሩኺ።

ብዛዕባ እዚ እንተተማማዪጥክሉ ጽቡቕ እዩ።
ምናልባት ብድሕሪ እዚ ነዓኺ ውን ይፎኽሶኪ ይኸውን እዩ።
ነዚ ክትገልጽሉ ትኽእልሉ እሙን ሰብ ድለዪ።
ስለ ከምዚ ዝገበርኪ ክጸልኣኪ ዘይክእል ሰብ።

ናይዚ ጉዳይ ኣማኸርቲ ቦታታት እውን ኣሎ።
ንደቂ መንእሰያት ተባዕትዮ: http://www.marikas.de/
ን መንእሰያት ደቀንስትዮ: http://www.mimikry.net/
ንኹሎም: http://www.jadwiga-online.de/kontakt.php
ን ደቀንስትዮ : http://www.solwodi.de/33.0.html?&L=0%3FkeepThis%3Dtrue

ጥንሲ ሒዘ ኣለኹ። እቲ ቆልዓ ውን ክወልዶ ይደሊ እየ። ስለዚ እንታይ ክገብር ኣለኒ፧

እዚ ዓቢ ለውጢ ኣብ ሂወትኪ እዩ።
ብድሕሪ እዚ ዝመጽእ ባዕልኺ ክትውስኒ ትኽእሊ ኢኺ።
ዓቢ ሓላፍነት ስለ ዝኾነ።
ይኹን ደኣምበር ብዙሓት ሰባት ኣለዉ ኣብዚ ጉዳይ ክሕግዙኺ ዝኽእሉ።

ንነብስኺ ክትሓልይላ ኣገድሲ እዩ።
ከምኡ ውን ብዛዕባ ጥዕናኺ።
ብመጀመርያ ናብ ናይ ደቀንስትዮ ሓኪም ክትከዲ ኣለኪ።
ንሳቶም እኹል ትምህርቲ ክህቡኺ ኢዮም።
ብተወሳኺ እውን ከመይ ጌርኪ ጥዕናኺ ትሕልዊ ጠቓሚ ሓበረታ ክህቡኺ እዮም።

ንተወሳኺ ሓበሬታ ናይ ጥንሲ ክኢላታት ኣማኸርቲ ኣለው።
ኣብኡ ንኹሉ ሕቶታትኪ ክምልሱልኪ ይኽእሉ እዮም።
ነዚኦም ንኣብነት ኣብዚ ኣድራሻ ትረኽብዮም።
http://www.zanzu.de/de/themen/schwanger-sein
http://www.familienplanung.de/beratung/beratungsstellensuche/
ወይ ሰብ ክሕግዘኪ ኣለዎ ኣድራሽኦም ክትረኽቢ።
እቲ ገጽ ብ ቋንቋ ጀርመን ጥራይ እዩ።
ምስ ኣቶርጓሚት እንተ ኬድኪ ዝምረጽ እዩ።

ሓደ ዝፈልጦ ሰብ የፍቅረካ ኢሉኒ ኣነ ግን ኣይፍቅሮን ኢየ። እንታይ ክገብር ኣለኒ፧

ምናልባት ንሱ ይሓዝን ይኸውን
እስኺ ውን ትድንግጽሉ እኾኒ።
ዋላ ውን መሓዙት ክትኮኑ ትኽእሉ ኢኹም።
ይኹን ደኣምበር ቕንዕና ክህልወኪ ኣለዎ።
ብጋህሪ ክትዛረቢ ኣለኪ
„ኣየፍቅረካን ኢየ“ በሊ

ሓደ ሓደ እዋን ውን ስምዒትኪ ክቕየር ይኽእል እዩ።
ምናልባት ኣብ መጀመርያ ኣፍቂርኪ ኔርኪ ትኾኒ
ሕጂ ግን ፍቕርኺ ወጺልኪ ይኸውን።
እዚ ውን ንቡር እዩ።

ክትገብርዮ ዘይትደሊ ነገር ምግባር ኣየድልየኪን ኢዩ።
እቲ ዓርክኺ ውን ይሓርቕ ወይ ይሓዝን ይኸውን
ይኹን ደኣምበር ውሳኔኺ ከኽብር ናይ ግድን እዩ።
ስምዒትኪ ከም ዝተቐየረ ክቕበሎ ኣለዎ።
ስምዒት ወድ ሰብ ከተገድዶ ኣይከኣልን እዩ።

ኣነ ጓል 14 ዓመት ኢየ። ስጋዊ ርክብ ክፍጽም ይከኣል ድዩ፧

ኩሉ ምትንኻብ ኣብ ናይ ስምዒታዊ ከባቢ „ሴክስ“ ኢልና ንሰምዮ።
እዚ ኣብ ጀርመን ቅድሚ መርዓ ብመሰረቱ ፉቑድ እዩ።
ግን ክልቲኦም ጽምዲ ፍቓደኛታት ክኾኑ ኣለዎም።
ስለኢ ስጋዊ ርክብ እንተ ዘይደሊኻ ውን ጸገም የለን።

እዚ ኣብ ጀርመን ኣብ ሕጊ ሰፊሩ ውን ኣሎ።
ንሰብ ስጋዊ ርክብ ክፍጽም ምግዳድ ኩልኩል እዩ።
ንዓኻ ውን ዝግድደካ ሰብ ክህሉ የብሉን።
ኩሉ ግዜ ኣይደልን ኢየ ክትብል ትኽእል ኢኻ።

ሓሳባትካ ውን ክትቅይር ትኽእል ኢኻ።
ምናልባት ድሒርካ ስጋዊ ርክብ ክትፍጽም ትደሊ ትኸውን።
ስለዚ ድርቕ ምባል ኣየድልየካን እዩ።
ደቂ ሰባት ኩሉ ጊዜ ስጋዊ ርክብ ክገብሩ ድሌት የብለሙን።
ሓደ ሓደ ጊዜ ደስ ይብሎም ሓደ ሓደ ጊዜ ግን ኣይደልዩን።
እዚ ኸኣ ንቡር እዩ።

ንስኺ ብጣዕሚ ንእሽቶይ ኢኺ ዘለኺ።
እንታይ ትደልዪ ኣጸቢቕኪ ሕሰብሉ።
ኣብ ስዒቡ ዘሎ ጽሑፋት እቲ ትኽክል ናይ ስጋዊ ርክብ ናይ ዕድመ ዶብ ተገሊጹ ኣሎ።

ሓንቲ ጓል ኣፍቂረ ሞ ምስኣ ውን ዝምድና ክገብር ድሌተይ ኢዩ። ስለዚ እንታይ ክገብር ኣለኒ፧

ሰብ ከተፍቅር ጽቡቕ ነገር እዩ።
ብዙሕ ጊዜ ውን ምስኣ ከተሕልፍ ትደሊ።
ከም ትፈትዋ ውን ክትገልጸላ ትደሊ።
እዚ ድማ ጽቡቕን ንቡሩን ኢዩ!

ሓደ ሓደ ግዜ ውን ግዜ በሊዕ ኢልካ ትሓስብ።
ምናልባት እሳ ውን ትፈትወካ ትኸውን።
ምናልባት ውን ርግጸኛ ኣይኮነትን።
ምናልባት ድማ ኣየፍቀረትን ትኸውን።

ድሌት ናይቲ ካልእ ሰብ ኣዝዩ ኣገዳሲ ኢዩ።
እንታይ ከም ትደሊ ኩሉ ግዜ ክትነግር ትኽእል ኢኻ።
ስምዒትካ ውን ክትገልጽ ትኽእል ኢኻ።

እታ ጓል እንታይ ከም ትደሊ ሕተታ
ንሳ ውን ባዕላ ስሚዒታን ድሌታን ክትነግረካ ኢያ።
እንተ ዘይደልያ ድማ ክትትንክፋን ክትስዕማን መሰል የብልካን።
ንስኻ ተዘይደሊኻ ውን ንሳ ክትትንክፈካን ክትስዕመካን መሰል የብላን።

ሓንቲ ጀርመናዊት ዓርኪ ይደሊ ኣለኹ። እንታይ ክገብር ኣለኒ፧

ኣብዚ ሃገር ጓል ኣንስተይቲ ብኸመይ ክትላለያ ትኽእል፧
ኣብ ቤት ትምህርቲ፡ ኣብ ስፖርት፡ ኣብ ክለባት፡ ዲስኮን ፓርቲን።
የዕርኽቱኻ ጓል የላልዩኻ።

ኣዋልድን ኣወዳትን ክዘናግዑ ይደልዩ።
ኣከዳድነእን ውን ካብቲ ንስኻ ትፈልጦ ፍልይ ክብል ይኽእል ኢዩ።
ኣብዚ ዓዲ ዋላሓንቲ ጸገም የለን።
በከዳድነእን ሕማቕ ሰብ ማለት ኣይኮናን።

ክብረት ይጽበዩ እዮም።
ዋላ ቃልዕ ክዳይ ይከደና እምበር ወዲ ክሕዘን ኣይደልያን እየን።
ምሳኻ ብዙሕ ከዕልላ ይደልያ።

መብዝሕተኦም ኣወዳትን ኣዋልድን ነንሕድሕዶም ይከባበሩ እዮም።
ክረዳድኡ ይኽእሉ ድዮም ኣይክእሉን ይረኣኣዩ።
ብድሕሪ እዚ ይፋቐሩ።
ብድሕሪ ናይ ክልቲኦም ውሳኔ ውን ይሰዓዓሙ።

ጥንሲ ሒዘ፡ ኣነ ግን ክወልዶ ኣይደለኹን። እንታይ ተገበርኩ ይሕሸኒ፧

ቆልዓ ትወልድዮ ዲኺ ኣይትወልድዮን ባዕልኺ ኢኺ ትውስኒ።
ምስ ትኣምንዮ ሰብ ብዛዕባ እዚ ከተማኽርዮ ትኽእሊ ኢኺ።
እቲ ውሳኔ ግን ናትኪ ኢዩ ዝኸውን።

ጥንሲ ከተቋርጺ ትኽእሊ ኢኺ።
ኣብ ጀርመን እዚ ፍቑድ እዩ።
እዚ ግን እቲ ህጻን ገና ድቂ ክሳብ ዘሎ እዋን ጥራይ እዩ።
እዚ ማለት፡ ቅድሚ ናይ ሰለስተ ወርሒ ጥንሲ ክሳብ ዝኸውን እዩ።
እንተ ደኣ ትሕቲ 18 ዓመት ኣለኪ እሞ ኸኣ ብ ኦፖረሽን መደንዘዚ ተወጊእኪ ክትሓርሲ ደሊኺ፡
ስድራኺ ወይ ኣለይትኺ ውን ምሳኺ ክውስኑ ኣለዎም።

ብቅድሚ እዚ ውን ኣብ ናይ ጥንሲ ግጭት ኣማኸርቲ ክኢላታት ክትከዲ ኣለኪ።
ኣብዚ ኣድራሻ ናይዞም ኣማኸርቲ ትረኽቢ፡ http://www.familienplanung.de/beratung/beratungsstellensuche
ዘፍርሕ ዋላሓንቲ የብሉን፡ ምሳኺ ክዘራረቡ ጥራይ እዮም።
ስለምንታይ ጥንሲ ክትሰዲ ከም ዝደለኺ ክትገልጽሎም ትኽእሊ ኢኺ።
ብድሕሪ እዚ ኣብኡ ከም ዝተሳተፍኪ ምስክር ክህቡኺ እዮም።
እቲ ምስክር ድማ ጥንሲ ንምስዳድ ከድልየኪ እዩ።
ጥንሲ ትሰድሉ ኣድራሻ ናይ ሓኪም ወይ ናይ ሕክምና ውን ክህቡኺ ኢዮም።
ኣብኡ ኬድኪ ክትሰድዮ ድማ እቲ ውሕስነት ዘለዎ ኣገባብ እዩ።
ካልእ ኣገባብ ክትጥቀሚ ከይትሓስቢ። ምኽንያቱ ኣብ ሓደገኛ ኩነታት ክትበጽሒ ስለ ትኽእሊ።

እቲ ድቂ ህጻን ምስ ዝኸውን ግን ክትወልድዮ ጥራይ እዩ ዘለኪ።
እቲ ህጻን ውን ን ካልኦት ስድራቤት ክትህብዮ ትኽእሊ ኢኺ።
ቤት ጽሕፈት ዩገንድ ኣምት ውን ነቲ ህጻን ስድራቤት ክረኽበሉ ይኽእል ኢዩ።

ካብ ክንደይ ዓመት ስጋዊ ርክብ ክፍጽም ምፍቀደኒ፧

ኣብ እዋን ስጋዊ ርክብ ክልተ ኣገደስቲ ነጥብታት ኣለዋ።
ዕድመኻን እቲ ዝምድና ምስ መጻምድትኻን።
ኣብዚ ሰንጠረጅ ስጋዊ ርክብ ዝፍቀድን ዘይፍቀድን ክትከታተል ትኽእል።

ዕድመ 0-13 14-15 16-17 18-20 21+
0-13 ኣይፋል ኣይፋል ኣይፋል ኣይፋል ኣይፋል
14-15 ኣይፋል እወ እወ እወ ኣይፋል
16-17 ኣይፋል እወ እወ እወ እወ
18-20 ኣይፋል እወ እወ እወ እወ
21+ ኣይፋል ኣይፋል እወ እወ እወ

እቲ ቀንዲ ኣገዳሲ ነገር ግን፡ ብክልቲኦም ሸነኽ ድሌት ክህሉ ይግባእ።
ሓደ ምስ ዝኣቢ፡ ስጋዊ ርክብ ኩልኩል ይኸውን።
ዝኾነ ሰብ ን ስጋዊ ርክብ ክግድድ ኣይፍቀድን።

ኣብ መንበሪ ጉጅለ ወይ ኣብ ሃይም ትቕመጥ፧
ኣብዚ መንበሪ ክሳብ 16 ትኸውን ስጋዊ ርክብ ኣይፍቀደካን እዩ።

ስጋዊ ርክብ ኣብ መንጎ እዞም ሰባት ኩልኩል እዩ።

  • ስድራን ደቆምን
  • ሰይተቦ ሰብኣይ ኣደን ደቆምን
  • መምህር ምስ ተመሃሮ
  • ኣለይቲ ምስ መንእሰያት ኣብ መንበሪ ጉጅለ ወይ ናይ መንእሰያት መዕቆቢ
  • ኣብ ግዜ ሞያዊ ስልጠና፡ ኣብ እዋን ስራሕ ወይ ኣብ ፕራክቲኩም መምህርካ ምሳኻ ስጋዊ ርክብ ክፍጽም ኩልኩል እዩ።
  • ኣብ ሓደ ስድራቤት ተዓቒብካ ትነብር እንድሕር ኣለኻ፡ እቶም ኣለይቲ ስድራኻ ምሳኻ ስጋዊ ርክብ ክፍጽሙ ኣይፍቀድን እዩ።
  • ዋላ ውን ወኪል ናይ ሕጊ ኣላዪኻ ውን ምሳኻ ስጋዊ ርክብ ክፍጽም ኣይከኣልን።

ዝኾነ ይኹም ካብዞም ኣብ ላዕሊ ተጠቒሶም ዘለዉ ምሳኻ ስጋዊ ርክብ ክፍጽሙ ኣይፍቀድን እዩ።
ከምዚ ምስ ዘጋጥም ብቕልጡፍ ሓገዝ ኣምጽእ።

ኣነ ጓል 16 ዓመት እየ። ቅድሚ ቁሩብ ሰሙናት እየ ድማ ናብ ጀርመን መጺእ። ኣብዚ ኩሉ ነገር ሓዲሱኒ። ኣዋልድን ደቀንስትዮን ከመይ ይነብራ ኣብዚ ሃገር፧

ብዙሕ ነገር ኣብዚ ሃገር ፍልይ ይብል።
ኣዋልድን ኣንስትን ምስ ኣወዳትን ኣሰብኡትን ሓደ ዓይነት መሰል ኣለወን።
እዚ መሰል እዚ ንኹለን ኣዋልድን ኣንስትን ኣብ ጀርመን ዝነብራ ይምልከት።
ን ደቀንስትዮ እዚ መሰላት ክትፈልጥኦ ኣገዳሲ እዩ።
ትፈልጥዮ ዲኺ እዚ መሰላት፧

ቁሩብ ኣብነታት፡
ክትመሃርን ቤት ትምህርቲ ክትከድን መሰኪ እዩ።
ዝደለኽዮ ዓይነት ስራሕ ክትሰርሒ ትኽእሊ ኢኺ።
ዕድመኺ ምስ ዝኣክል ውን ንበይንኺ ክትገሺ ትኽእሊ ኢኺ።
ንነብስኺ ዝበቅዕ ትብልዮ ባዕልኺ ኢኺ ትውስኒ።
ክትምርዓዊ ወይ ከይትምርዓዊ ባዕልኺ ኢኺ ትውስኒ።
ዓርኪ ክትሕዚ ወይ መሓዛ ክትሕዚ ትኽእሊ ኢኺ።
ደስ ዝበለኪ ዓይነት ኣከዳድና ክትክደኒ ትኽእሊ ኢኺ።
ምስ ደስ ዝበለኪ ሰብ ክትወጺ ትኽእሊ ኢኺ።

ንኹሎም ኣወዳትን ሰብኡትን ውን ሕግታት ክትፈልጡ ኣገዳሲ እዩ።
ነቶም ሕግታት ውን ከተኽብርዎም ይግባእ።

ኣብዚ ኣድራሻ ድማ ብዛዕብኡ ዝተፈላለዩ ሓበሬታ ትረኽቡ።
ናይ ሓበሬታ ጽሑፋት ብዝተፈላለዩ ቋንቋታት ኣሎ። (ብ ኣልባንያ፡ ዓረብ፡ ቦዝንያ፡ እንግሊዝ፡ ፋርሲ፡ ዳሪ፡ ፈረንሰኛ፡ ሰርብያ፡ ሶማል፡ ከምኡ ውን ካልኦት ሓደስቲ ቋንቋታት ክጽንበረኦ እየን)
http://wie-kann-ich-helfen.info/geh-deinen-weg-deine-rechte-als-frau-in-deutschland-infoflyer-fuer-weibliche-fluechtlinge/3063
እቲ ጽሑፍ ኩሉ ንበብዎ።
መሰላት ደቀንስትዮ ኣብዚ ሃገር ክትፈልጦ ኣገዳሲ እዩ ነዓኻ።

የዕሩኽተይ ምሳይ (14) ናብ መሐንበሲ ቦታ ክኸዱ ደልዮም። ኣብኡ ደቀንስትዮ ጥራየን ክትርእየን ይከኣል እዩ ኢሎሞ። ትኽክል ድዩ እዚ፧

ኣዋልድን ኣወዳትን ከምኡ ድማ ሰብኡትን ኣንስትን ምሕንባስ ብዙሕ የዘውትሩ።
ኩነታት ኣየር ጽቡቕ ምስ ዝኸውን ድማ ኣብ ቀላያት ይኸዱ።
ኣብቲ ሳዕሪ ኮንካ ድማ ተዕርፍን ጸሓይ ትጽለውን።
መጻወቲ ቦታ ድማ ፍሉይ ተወሳኺ ኣለዎ።
ሕማቕ ኣየር ምስ ዝኸውን ደማ ኣብ ዕፉን መሐንበሲ ቦታ ይኸዱ።
ኣብዚ ድሕሪ ምሕንባስ ከተዕርፍ ትኽእል ኢኻ።

ኩሉ ሰብ ድማ መሐንበሲ ክዳይ ይኽደን።
ሰብ ወይ ክሕንብስ፡ ከዕርፍ ወይ ክዘናጋዕ እዩ ዝመጽእ።
ዝኾነ ይኹን ሰብ ክጥመት ወይ ክትንከፍ ኢሉ ዝመጽእ የለን።

ኣብ ኤውሮፓ ኣብ መሐንበሲ ቦታ ቁሩብ ጥራይ ኢዮም ዝኽደኑ።
እዚ ድማ ዝጠልቀየ ቀልጢፉ ስለ ዝነቅጽ እዩ።

ኣዋልድን ኣንስትን ምጥማት ኣብኡ ኣዝዩ ኣጸያፊ ነገር እዩ።
ሓደ ሓደ እዋን እተን ደቀንስትዮ ብዙሕ ምስ ዝጥመጣ ብጣዕሚ የሕርቐን እዩ።
ክትጥምት እንተ ደሊኻ ኣሕጽር ኣቢልካ ጠምት።
ክትትንክፋ ወይ ክትለኽፋ ግን ኣይፍቀድን እዩ። ኮምኡ ምስ ትገብር ኣብዘይሽግርካ ክትኣቱ ትኽእል ኢኻ።
ኣዋልድን ኣንስትን ምትንኻፍ ኩልኩል እዩ።

ጓል ክትላለ እንተደሊኻ ብስነስርዓት ክትሓታ ትኽእል ኢኻ።
ከምዚ ኢልካ ሕተታ፡ ጀላቶ ክጋብዘኪ ይፍቀድ ድዩ፧
ወይ ማሳይ ፒንግ ፖንግ ክትጻወቲ ትደልዪ ዶ፧

ኣገዳሲ ነገር፡ ምሕንባስ ኣቐዲምካ ክትመሃር ኣለካ ኣብ ማይ ከይትጥሕል።